| 今日係紅區福記開sem飯....好多人去呢...成班去左打邊爐...成個場好熱鬧....不過就嘈到其他黎食飯既人啦...嘿...
去到都未食飽一半...個個都四周圍去玩人...主要都係玩d情侣同"假"情侣啦....好彩唔關我事....諗住可以避過一劫...點知一陣就俾d老鬼叫左去佢地枱...話做bestfresh就要飲左佢地杯野...半杯伏特加酸梅湯...味道真係九流...一次過飲曬成杯真係唔好講笑...個下highhigh地...不過好快無事...諗住告一段落...點知又俾組爸叫去挑機...鬥快飲一搾甘蔗水...雖然win左...但係之後每隔2分鐘就去一次廁所...總共去左13次先清曬個搾甘蔗水....飲完個下真係飽曬....跟住又不停玩game飲酒...我都無咩點飲過...因為個搾甘蔗水真係多得好誇張...成晩仲玩左一個好核突既game....原本唔關我事既...不過我地個負區兼組ma俾人的左出去玩...做組仔既無理由唔幫佢既....不過杯野真係好想嘔...咩材料我就唔講啦..見到都驚...haa
玩完之後就返poly玩....又係玩下d mini game...玩到頹曬...好累....嘿....臨走去錯地方...走左去老鬼既真情對話區...都預左佢地會問我咩ga la...不過問問下佢地又好似無咩mood問落去...係咪因為我咩都問得照答搞到你地好無癮呀?haa
聽日好無聊....返6點半既ge....真係唔知想點...所以約左紅區人去左唱k....嘿....好耐無去lu~ |
| |
| 今日係ESA既大RE-U...其實到左最後好似變左紫此一組三叔公既聯誼會咁...因為分散左南北2地呢..
去到石澳租完爐..一直坐係度等電話...無計啦...大波蓮電話打唔通...通知唔到佢位置...又驚佢會無啦啦打黎...單丁坐係度望人玩...唔緊要啦....隨便看野...俾佢地出去玩...隔離組到依家都仲以為我係組爸囉...
CARBON真係好搞笑...佢怕水既程度係達到喪級呀....不過恭喜你第一次出浮台....係咪好暈呢...HEE~
晚上玩下GAME又講下鬼故...今次到我講呢....唔知俾唔俾到氣氛你地啦...我盡量收歛認真D GA LA...HAA~
玩到十點幾就走LU....雖然唔係幾夠...不過聽日個個都要返學就咪去到咁盡啦....大家記住早D休息~
|
| |
| 大O四區總冠軍 紅區~
三日兩夜既大o總於完啦...去之前成日聽日講話大O既氣氛同氣勢係全POLY最正既...相信有份參加既每一位FRESHMAN都會深深感受到大O既獨特之處...而每一個人都係全程投入啊~~~
其實入正式入到O CAMP之前...好多人都喊區號喊到聲到沙曬....入到CAMP既第一日更加係唔要聲帶咁喊...為既就係要有"氣勢"..到左第二同第三日好多人都係喊到出唔到聲...但係係今日既頒獎禮...每一區既區長,組爸組媽同所有既FRESHMAN到依然堅持高呼區號...呢種堅持到底...努力到最後一刻既表現真係好值得俾個愛鼓自己啦..哈
係呢2~3個月入面...CENTRAL既每一個人,區長同組爸組媽都好努力咁去設計同安排我地呢3日2夜入面既每一個環節...我地知道你地係好辛苦...但係我相信當你地見到每一無FRESHMAN都玩得咁高心,咁興奮既時候...你地會堅信自己既血汗係無白費嫁...作為你地既組仔女...真係要係度再向你地講聲多謝~~
係呢個CAMP入面每一個遊戲我地都好認真去玩(除左SOCI GAME..嘿)...每一隻GAME都令我覺得好深刻...
係度真係要向所有既紅區人講聲唔好意思啦...特別係組爸組媽...因為我呢個組仔好麻煩呢...全場真係只係得我一個組仔會帶其他人起哄...係好多人眼中我可能真係唔似係一個FRESHMAN...但係我覺得組爸組媽之間係應該多D交流...因為咁先似係一家人...俾你地選為BEST-FRESH同埋叫上台講野...我覺得我係點都唔會喊GA...我從未試過因為呢種比賽而喊..但係當見到每一位組爸媽都喊曬出黎...又講D感動既說話...好多FRESHMAN包括我最後都挨唔住...真係喊左出黎..最後宣佈總冠軍個陣...真係成區好多人都開心都喊曬....係個一刻...我終於明白到紅區並唔係單單3日2夜俾我地玩既分區...而係我地係POLY真真正正既一個小家庭...我地今日係紅區人....呢世都係紅區人...正如區長講既"呢個O CAMP係一世嫁"...好多地每一位CENTRAL,區長同組爸媽俾個咁好...咁值得珍惜既機會我地參與呢個O CAMP..我好慶幸自已係入左紅區GA....
大O萬歲~~!
|
| |
| 今日係返工既last day...好多野要幫佢地做...主要都係清曬由17號到今日既單...因為好專心做...所以早上就做完啦...到左下午無所事事...玩下msn....再幫佢地做下d無聊野....直到5點...又多左5份單要入....正想開工既時間...不幸既事發生左...
之前某部電腦中左毒令到個system hanghang地....成日唔見左d單...本以為整返好....點知一開個system....早上入既單無曬...個下我同ion都灰到爆....早上功力完全白費.....好彩神都無完全有想玩我地既意思...因為有個同事早上十一點幾幫我地save過d資料....所以都未至於所有單無曬....雖然無左四十幾張...都好過無曬丫...嘿....跟住就熄左個msn....專心打單...總算收工個陣追返曬...hee...呢個月真係多謝你地既照顧呀>.<
今晚返到屋企...媽唔係度...原來佢又返左大陸...返得大陸...都知婆婆個病情又嚴重左...而且爸佢話過2日可能都要返...因為唔知仲捱到幾多日....聽到真係好唔開心...做孫既我地唔可以全部依家都係佢身邊...真係有d不孝.... |
| |
| 紅霸理大 紅過你
今日第一日去大o既pre-camp...個氣氛真係好唔同...口號同dance都好利害(ESA當然都好正啦..哈)...隻舞都未記得..
今日一去到俾人帶左去舊can...全部都係紅區人...但係無個識...又要自我介紹一次..真係唔係幾好意思...haa..
佢地食完早餐就上左去room度玩啦...玩左一陣就玩treasure hurt..又要喪跑poly...真係無左半條命...
等等等......
跟住下午就教跳舞啦...d組爸組媽真係跳到好型...難為我地都要學呢...到時真係拖衰佢地呀...哈哈...
練到頹曬...玩到攰曬...又係時候去食晚飯...食個陣真係好搞笑...成間餐廳既所有人應該都會感到受到滋擾..連個睇場既都不時行黎我地個邊...全程都有個人(唔記得咩名)俾我地玩緊...佢真係好鬼搞笑...真係要搵個機會同佢玩玩先得...哈..
等等等........終於去到谷底~ |
| |
